ⵜⴳⴰ ⵜⴰⵏⵏⴰⵢⵜ ⵏ ⵓⵙⵓⴷⴼ ⵏ ⵉⵄⵔⵔⵉⵎⵏ ⴳ ⵜⵓⴷⵔⵜ ⵜⴰⴷⵎⵙⴰⵏⵜ ⴷ ⵜⵏⴰⵎⵓⵏⵜ ⵢⴰⵜ ⵜⵏⵥⵕⵜ ⵜⴰⵏⴳⵎⴰⵏⵜ ⵉⵎⵇⵇⵓⵔⵏ, ⵉⵍⵍⴰⵏ ⵎⵏⵉⴷ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ, ⵍⵍⵉ ⵙⵔⵓⵏⵙⵏ ⵎⴰⵕⵕⴰ ⵉⴳⵔⴰⵏ ⴳ ⵜⵙⵎⵙⵙⵓⴳⵓⵔⵉⵏ ⴷ ⵉⵙⵇⵇⵉⵎⵏ ⵉⵜⵜⵓⵙⵢⴰⵏ ⴳ ⵜⵙⵔⵜⵉⵜ ⵏⵏⵙⵏ, ⴷ ⵜⵅⵙ ⴰⵙⵙ ⴰ, ⵓⴳⴳⴰⵔ ⵏ ⵎⴰⵢⴷ ⵉⵣⵔⵉⵏ, ⴰⴷ ⵜⴰⵙⵢ ⵙ ⵎⴰⵕⵕⴰ ⵜⵉⵖⴰⵡⵙⵉⵡⵉⵏ ⵍⵍⵉ ⵉⵥⵍⵉⵏ ⵖⵔ ⵓⵙⵉⴷⴼ ⴰⵙⵓⵍⴰⵏ ⵏ ⵉⵄⵔⵔⵉⵎⵏ ⴳ ⵜⵓⴷⵔⵜ ⵜⴰⵎⴰⵜⴰⵢⵜ. ⴷ ⵎⴰⵏⴰⵢⴰ, ⵜⵓⴳⵜ ⵏ ⵜⵣⵎⵎⴰⵔ ⵏ ⵏ ⵉⵎⵙⴽⴰⵔⵏ ⴷ ⵉⵎⴽⵛⴰⵎⵏ, ⵃⵓⵎⴰ ⴰⴷ ⵜⴻⵜⵜⵓⴳⴰ ⵉⵛⵜ ⵏ ⵜⵙⵜⵕⴰⵜⵉⵊⵉⵜ ⵉⵎⵓⵏⵏ, ⴳ ⵏⵏⴰⵏ ⴰⴷ ⵎⵍⴰⵍⴰⵏ ⴽⵉⴳⴰⵏ ⵏ ⵉⵡⵜⵜⴰⵙⵏ ⵅⴼ ⵜⴻⵜⵜⵓⵙⵔⴰⵙ ⴰⵙⵙ ⴰⵎⵣⵡⴰⵔⵓ.

ⴰⵢⵏⵏⴰ ⵉⵔⴰⵏ ⵢⵉⵍⵉ, ⴷ ⵉⵜⵜⵓⴳ ⴳ ⵓⵙⴰⵜⵉ ⵏ ⵓⵙⵉⴷⴼ ⴰⴷⵎⵙⴰⵏ ⴷ ⵓⵏⴰⵎⵓⵏ ⵏ ⵉⵄⵔⵔⵉⵎⵏ ⵖ ⵓⵣⵎⵣ ⵏ ⵜⵏⴱⴰⴹⵜ ⴰⴷ ⵉⵍⵍⴰⵏ ⵡⴰⵙⴰ, ⵉⵇⵇⴰⵏⴷ ⴰⴷ ⵏⵉⵏⵉ ⵎⴰⵙ ⵜⵙⵓⵍⵜ ⵏ ⵜⵏⵥⵕⵜ ⴰⴷ ⵜⵍⴰ ⵛⵉⴳⴰⵏ ⵏ ⵉⵎⵓⵔⴽⵉⵙⵏ ⴷ ⵜⴼⵉⴽⴽⴰⵛ, ⵓⵔ ⵜⵜ ⵉⵜⵜⴰⴷⵊⴰⵏ ⴰⴷ ⵜⵙⵓⴷⴷⵓ, ⵜⴰⵡⴹ ⵉⵡⵜⵜⴰⵙⵏ ⵏⵏⴰ ⵜⵔⴰ, ⴳ ⵓⵙⵉⴷⴼ ⵏ ⵎⴰⵕⵕⴰ ⵉⵄⵔⵔⵉⵎⵏ ⴳ ⵜⵓⴷⵔⵜ ⵜⴰⵙⵔⵜⴰⵏⵜ, ⴷ ⵙⵍⴰⵡⴰⴽ ⴰⴽⴽⵯ ⵜⴰⴷⵔⴰⵡⵜ ⵏⵏⵙⵏ ⵊⴰⵊ ⵏ ⵜⴰⴷⵔⴰⵡⵜ ⵏⵏⵙⵏ ⵖ ⵎⴰⵕⵕⴰ ⵎⵉⵏ ⵉⵇⵇⵏ ⵖⵔ ⵜⵓⴷⵔⵜ ⵜⴰⴽⵓⵢⴰⵙⵙⵜ.

ⴳ ⵎⴰⵢⴷ ⵢⵓⵛⴽⴰⵏ ⵖ ⵉⵊⵊ ⵏ ⵓⵏⵖⵎⵉⵙ ⵜⵙⵙⵓⴼⵖⵜ ⵜⵎⵓⵔⴰⵢⵜ ⵜⴰⵎⴰⵜⴰⵢⵜ ⵏ ⵓⵖⴰⵡⴰⵙ, ⴳ ⵡⴰⵙⵙ ⵏ 12 ⵢⵓⵍⵢⵓⵣ 2023, ⵙ ⵜⵎⵍⴷⴰ ⵏ ⵡⴰⵙⵙ ⴰⵎⴰⴹⵍⴰⵏ ⵏ ⵉⵄⵔⵔⵉⵎⵏ, ⵓⵟⵟⵓⵏ ⵏ ⵎⴰⵕⵕⴰ ⵉⵄⵔⵔⵉⵎⵏ ⴷⴰⵔ ⵉⵍⵍⴰ 15 ⵏ ⵓⵙⴳⴳⵯⴰⵙ ⴰⵔ 34 ⵏ ⵓⵙⴳⴳⵯⴰⵙ, ⵙⴳ ⵓⵢⵏⵏⴰ ⵉⵜⵜⴳⴳⴰⵏ 11,5 ⵏ ⵉⴷ ⵎⵍⵢⵓⵏ ⴳ ⵓⵙⴳⴳⵯⴰⵙ ⵏ 2014, ⴰⵔ 11,8 ⵏ ⵉⴷ ⵎⵍⵢⵓⵏ ⵖ ⵓⵙⴳⴳⵯⴰⵙ ⵏ 2023. ⵖⵉⴽⵍⵍⵉ ⵜⴳⴰ ⵜⵙⵓⵜⴰ ⵏⵏⵉ ⵉⵍⵍⴰⵏ ⵊⴰⵔ ⵏ 15 ⴷ 24 ⵏ ⵓⵙⴳⴳⵯⴰⵙ, ⵜⵎⵎⵓⵜⵜⵢ ⵙⴳ 16,1% ⴳ ⵓⵙⴳⴳⵯⴰⵙ ⵏ 2014, ⵙⵔ 18,0% ⴳ ⵓⵙⴳⴳⵯⴰⵙ ⵏ 2023 ⴳ ⵎⴰⵕⵕⴰ ⵉⵄⵔⵔⵉⵎⵏ ⵉⵍⵍⴰⵏ, ⴷ ⵓⵟⵟⵓⵏ ⴰ ⵡⴰⵏⵉⵜⵉⵏ ⵉⵖⵍⵉⵏ ⴳ ⵜⵎⴷⵉⵏⵉⵏ ⴳ ⵓⵣⵎⵣ ⴰ ⵉⵣⵔⵉⵏ ⵙⴳ 60,0% ⴰⵔ 66,0%.

ⵙ ⵓⵙⴰⵜⵉ ⴰ ⵡⴰⵏⵉⵜⵉⵏ, ⵉⵙⵙⵓⵊⴷ ⵓⵙⵇⵇⵉⵎ ⴰⴷⵎⵙⴰⵏ ⴷ ⵓⵏⴰⵎⵓⵏ ⴷ ⵓⵡⵏⵏⴰⴹ ⵢⴰⵜ ⵏ ⵜⴰⵏⵏⴰⵢⵜ, ⵉⵇⵇⵏⵏ ⵖⵔ « ⵉⵄⵔⵔⵉⵎⵏ ⵓⵔ ⵉⵙⵡⵓⵔⵉⵏ, ⴷ ⵓⵔ ⵢⵓⴷⵉⴼⵏ ⵖⵔ ⵜⵉⵏⵎⵍ, ⴷ ⵓⵔ ⵉⴹⴰⵕⵏ ⴰⵡⴷ ⵢⵓⴽⴽ ⵏ ⵓⵙⵎⵓⵜⵜⴳ NEET», ⵜⴰⵏⴰⴹⵜ ⴰⴷ ⵏ ⵓⵙⵇⵇⵉⵎ, ⵜⴻⵜⵜⵓⴳⴰ ⵅⴼ ⵉⵄⵔⵔⵉⵎⵏ ⵉⵍⵍⴰⵏ ⵊⴰⵔ ⵏ 15 ⴷ 24 ⵏ ⵓⵙⴳⴳⵯⴰⵙ, ⵓⵔ ⵉⴽⵛⵉⵎⵏ ⵊⴰⵊ ⵏ ⵓⴳⵔⴰⵡ ⵏ ⵓⵙⵍⵎⴷ, ⴷ ⵓⵙⵎⵓⵜⵜⴳ, ⴷ ⵜⵡⵓⵔⵉ ⴳ ⵓⴳⴰⴷⴰⵣ. ⵜⴰⵏⴰⴹⵜ ⴷⴷⵖ ⵉⵎⵙⴰⵙⴰ ⴼⵍⵍⴰⵙ ⴰⵙⵙ ⵏ 30 ⵢⵓⵍⵢⵓⵣ 2023, ⵢⵉⵡⵉ ⴷ ⵣⵣⵉⴽⵙ ⵎⴰⵙⴷ ⴰⵎⵎⴰⵙ ⵏ ⴽⴽⵓⵣ ⵏ ⵉⵄⵔⵔⵉⵎⵏ ⵢⵓⴷⴼⵏ ⴳ ⵉⵙⴳⴳⵯⴰⵙⵏ ⴰ ⵏⴱⴷⵔ, ⵉⵍⵍⴰ ⴳ ⵡⴰⴷⴷⴰⴷ ⵓ ⵎⵉ ⵇⵇⴰⵔⵏ NEET, ⴰⵢⵏⵏⴰ ⵉⵜⵜⴳⴳⴰⵏ 1,5 ⵏ ⵓⵎⵍⵢⵓⵏ ⵏ ⵢⴰⵏ, ⴰⵢⵏⵏⴰ ⵉⵎⵎⴰⵍⵏ ⵉ ⵓⵙⵇⵇⵉⵎⵏ ⵜⵉⴳⴳⵓⵎⵔⴰ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⵉⵙⵡⵓⵔⵉⵏ ⵅⴼ ⵓⵙⵉⴷⴼ ⴰⴷⵎⵙⴰⵏ ⴷ ⵓⵏⴰⵎⵓⵏ ⵏ ⵉⵄⵔⵔⵉⵎⵏ ⵎⴰⵕⵕⴰ, ⵙⵍⴰⵡⴰⵏ ⴰⴽⴽⵯ ⵉⵄⵔⵔⵉⵎⵏ ⵍⵍⵉ ⵎⵓ ⵉⴷⵔⵓⵙ ⵍⵃⴰⵍ. ⵜⴰⴷⵔⵙⵉ ⴷⴷⵖ, ⵉⵥⴹⴰⵕ ⴰⴷ ⵉⴷⵙ ⵏⴰⴼ ⴽⵉⴳⴰⵏ ⵏ ⵜⵖⴰⵡⵙⵉⵡⵉⵏ ⵓⵔ ⵉⵥⵉⵍⵏ, ⴷ ⵉⵎⵎⴽⵛⴰⵎⵏ ⴳⵔⴰⵜⵙⵏⵜ, ⵙ ⵓⵔ ⵏⵏⵉⵏ ⴰⴷ ⴰⵡⵙⵏⵜ ⵖ ⵜⵓⴷⵔⵜ ⵏ ⵉⵄⵔⵔⵉⵎⵏ, ⴰⵢⵏⵏⴰ ⵜⵏ ⵉⵜⵜⴰⵊⴰⵏ ⴰⴷ ⴳⵉⵏ ⵣⵖ ⵜⵓⵎⴰⵏⵜ ⵏ ⵉⵄⵔⵔⵉⵎⵏ NEET, ⵙⴳ ⴷⵉⴳⵙ, ⵓⴼⵓⵖ ⴳ ⵜⵉⵏⵎⵍ, ⴰⵙⵏⴼⵍ ⵏ ⵜⵓⴷⵔⵜ, ⵙⴳ ⵜⵓⴷⵔⵜ ⵏ ⵜⵖⵔⵉ ⵖⵔ ⵜⵓⴷⵔⵜ ⵏ ⵜⵡⵓⵔⵉ, ⵙ ⵓⵎⵎⵓⵜⵜⵢ ⵙⴳ ⵜⵡⵓⵔⵉ ⵖⵔ ⵜⴰⵢⴹ, ⵙ ⵓⵎⵓⵔⴽⵉⵙ ⵏ ⵓⴷⵃⴰⵍ ⵏⵏⵙⵏ ⴳ ⵜⵡⵓⵔⵉ, ⵏⵖⴷ ⵙ ⵓⵙⴱⴷⴷ ⵏⵏⵙⵏ ⵙ ⵉⵅⴼⴰⵡⵏ ⵏⵏⵙⵏ, ⵃⵎⴰ ⴰⴷ ⵔⵣⵓⵏ ⵜⴰⵡⵓⵔⵉ ⵢⴰⴹⵏⵉⵏ ⵉⵛⵏⴰⵏ, ⵢⵓⴼⵏ ⵜⴰⵣⵡⴰⵔⵓⵜ.

ⴳⴰⵏ ⵡⵓⵟⵟⵓⵏ ⴰⴷ ⵍⵍⵉ ⵏⴱⴷⵔ ⵢⴰⵜ ⵏ ⵜⵎⴰⵜⴰⵔⵜ ⵉⵎⵎⴰⵍⵏ ⵉⵎⵉⵔⴽⵉⵙⵏ ⵏ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⵉⵜⵜⵓⴳⴰⵏ ⵅⴼ ⵉⵄⵔⵔⵉⵎⵏ ⴳ ⵉⵣⵎⴰⵣ ⵏ ⵜⵏⴱⴰⴹⵉⵏ ⵍⵍⵉ ⴰⴽⴽⵯ ⵉⵣⵔⵉⵏ. ⵎⴰⵏⴰⵢⴰ, ⵢⵓⴽⵢ ⵉⵙ ⴱⴰⴱ ⵏ ⵡⵓⴷⴷⵓⵔ ⴰⴳⵍⵍⵉⴷ ⵎⵓⵃⵎⵎⴰⴷ ⵡⵉⵙ ⵚⴹⵉⴹ ⴰⴷ ⵜ ⵢⴰⴷⵊ ⵕⴱⴱⵉ ⴳ ⵉⵏⴰⵡⵏ ⵏⵏⵙ ⵉⴳⵍⴷⴰⵏⵏ, ⴷ ⵜⴱⵔⴰⵜⵉⵏ ⵏⵏⵙⵏ ⵙⴳ ⵎⴰⵢⴷ ⵢⵓⵎⵥ ⵜⴰⴳⵍⴷⴰ ⵏ ⵍⵎⵖⵔⵉⴱ, ⴳ ⵉⵏⴰⵡ ⴰⵎⵣⵡⴰⵔⵓ ⵏ ⵓⴷⴰⴱⵓ ⴰⵙⵙ ⵏ 30 ⵢⵓⵍⵢⵓⵣ 1999, ⵏⵏⵉ ⵉⴳⴰⵏ ⵢⴰⵜ ⵏ ⵜⵖⴰⵔⴰⵙⵜ ⴷ ⵜⵎⵢⴰⵇⵇⴰⵏⵜ ⵜⴰⵏⴰⵎⵓⵏⵜ ⵊⴰⵔ ⵏ ⵓⴳⵍⵍⵉⴷ ⴷ ⵓⴳⴷⵓⴷ ⵏⵏⵙ, ⵙ ⵜⵎⴰⵜⴰⵔⵉⵏ ⵍⵍⵉ ⴷ ⵉⴽⵙⵉ, ⵙ ⵎⴰⵢⴷ ⵉⵥⵍⵉⵏ ⵖⵔ ⵡⴰⵣⴰⵍ ⵏ ⵓⵙⵍⵎⴷ, ⴷ ⵓⵙⵎⵓⵜⵜⴳ ⵏ ⵉⵄⵔⵔⵉⵎⵏ ⵏ ⵜⵎⵓⵔⵜ, ⵜⴰⴼ ⴰⴷ ⵏⴰⵍⵏ ⵜⵉⵏⵥⴰⵕ ⵏ ⵜⴰⵙⵓⵜ ⵜⵉⵙ ⵡⴰⴷⵏⴰⵔ ⴷ ⵢⴰⵏ, ⵉⵙⵙⵓⵊⴰⴷⵏ ⵜⴰⵡⵓⵔⵉ ⵉ ⵉⵄⵔⵔⵉⵎⵏ ⴳ ⵉⵙⵡⵉⵡⵔⵏ ⵢⴰⵜⵜⵓⵜⵏ ⴳ ⵓⵎⴰⴹⴰⵍ ⴰ ⵉⵜⵜⵢⴰⵙⵙⵏ ⵙ ⵓⵙⵏⴼⵍ.

ⵖⵉⴽⵍⵍⵉ ⵉⵙⵙⵍⴽⵏ ⴱⴰⴱ ⵏ ⵡⵓⴷⴷⵓⵔ ⵖ ⵉⵏⴰⵡ ⵏⵏⵙ ⴳ ⵓⴱⵕⵍⴰⵎⴰⵏ, ⴳ ⵜⵎⵍⴷⴰ ⵏ ⵓⵏⵏⵓⵕⵥⵎ ⵏ ⵜⵙⵓⵜⵍⵜ ⵜⴰⵣⵡⴰⵔⵓⵜ ⵏ ⵓⵙⴳⴳⵯⴰⵙ ⵓⵣⵔⵉⴼ ⵡⵉⵙ ⵙⵉⵏ, ⵓⵣⵎⵣ ⵓⵣⵔⵉⴼ ⵡⵉⵙ ⵎⵔⴰⵡ, (ⵉⵙⵙⵍⴽⵏ) ⵅⴼ ⵡⴰⵔ ⴰⵙⵙⵉⴷⴼ ⵏ ⵉⵄⵔⵔⵉⵎⵏ ⵊⴰⵊ ⵏ ⵉⵎⵓⵙⵙⵓⵏ ⵏ ⵜⴳⵎⵉ ⴷ ⵓⵙⴱⵓⵖⵍⵓ ⵏ ⵜⵎⵓⵔⵜ ⵏⵏⵖ, ⵍⵍⵉⵖ ⵉⵏⵏⴰ ⴳ ⵉⵏⴰⵡ ⴰ ⵡⴰⵏⵉⵜⵉⵏ: “ⵜⴰⵣⵣⵉⴳⵣⵜ ⵏⵏⴰ ⴳ ⵜⴷⴷⴰ ⵜⵎⴰⵣⵉⵔⵜ ⵏⵏⵖ ⵓⵔ ⴱⴰⵀⵔⴰ ⵜⵓⵎⵉⵥ ⵎⴰⵕⵕⴰ ⵉⵏⵎⵓⵔⴰⵏ, ⵙⵍⴰⵡⴰⵏ ⴰⴽⴽⵯ ⵉⵄⵔⵔⵉⵎⵏ ⵏⵏⵖ, ⵉⵜⵜⴳⴳⴰⵏ ⵖⵓⵔ ⵡⴰⵜⵜⴰⵢⵏ ⵏ ⵜⴽⵕⴰⴹⵜ ⵏ ⵉⵎⵣⴷⴰⵏ, ⵜⴰⵙⵓⵜⴰ ⴰ ⵍⵍⵉ ⵎⵓ ⵏⵉⴽⴽⵉ ⴽⵉⴳⴰⵏ ⵏ ⵓⵙⵎⴽⵍ ⵙ ⵡⴰⵣⴰⵍ ⵍⵍⵉ ⴷⴰⵔⵙⵏ ⵉⵍⵍⴰⵏ.

ⵜⴰⵙⵖⵔⵜ ⵏ ⵉⵄⵔⵔⵉⵎⵏ ⵉⵎⵖⵔⴱⵉⵢⵏ ⴷ ⵓⵙⵉⴷⴼ ⵏⵏⵙⵏ ⵊⴰⵊ ⵏ ⵜⵓⴷⵔⵜ ⵜⴰⵏⴰⵎⵓⵔⵜ ⵉⴳⴰ ⵣⵖ ⵜⵏⵥⴰⵕ ⵜⵉⴽⵙⵡⴰⵜⵉⵏ ⵍⵍⵉ ⵙ ⴷ ⵉⵇⵇⴰⵏ ⴰⵙⵏⵜ ⵏⵔⴰⵔ ⵜⴰⵖⴹⴼⵜ.

ⴷ ⵏⵙⵙⵍⴽⵏ ⵡⴰⵀⵍⵉ ⵏ ⵜⵉⴽⴽⴰⵍ, ⵙⵍⴰⵡⴰⵏ ⴰⴽⴽⵯ ⵖ ⵉⵏⴰⵡ ⵏ 20 ⵖⵓⵛⵜ 2012 ⵎⴰⵙ ⴳⴰⵏ ⵉⵄⵔⵔⵉⵎⵏ ⵢⴰⵜ ⵏ ⵜⴰⵢⵙⵉ ⵜⴰⵎⵇⵔⴰⵏⵜ, ⴷ ⵉⵇⵇⴰⵏⴷ ⴰⴷ ⵏⵄⵍⵓ ⵙ ⵜⵉⵟ ⵏ ⵜⵔⵙⵍⵜ ⵏ ⵓⵙⴳⵎⵉ, ⵓⵔ ⵉⴷ ⵙ ⵜⵉⵟ ⵏ ⵜⴱⴱⴰⵢⴹⴰⵕⵉⵏ ⵓⵔ ⴰⵖ ⵉⵜⵜⴰⴷⵊⴰⵏ ⴰⴷ ⵜⵜ ⵏⴰⵡⴹ.

ⴷ ⴰⵔ ⴰⵖ ⵜⵎⵎⴰⵍ ⵜⵉⵍⴰⵡⵜ ⵎⴰⵙⴷ ⴰⵙⵏⴼⵍ ⴰⵏⴰⵎⵓⵏ ⵉⵍⵍⴰⵏ ⴳ ⵍⵎⵖⵔⵉⴱ, ⵉⵙⵙⵓⴼⵖ ⴷ ⵉⵄⵔⵔⵉⵎⵏ ⴷ ⴰⵎⵙⴽⴰⵔ ⴰⵎⴰⵢⵏⵓ ⵖⵓⵔ ⵉⵍⵍⴰ ⵢⴰⵏ ⵡⵓⴷⴷⵓⵔ ⴰⵅⴰⵜⴰⵔ, ⴷ ⵉⴹⵉⵚ ⴰⵎⵇⵔⴰⵏ ⴳ ⵜⵓⴷⵔⵜ ⵜⴰⵏⴰⵎⵓⵔⵜ. 

ⵎⵏⵉⴷ ⵏⵣⵎⵎⴰⵔ ⵍⵍⵉ ⵉⵙⵙⵓⴳⴰⵏ ⵅⴼ ⵡⴰⴷⴷⴰⴷ ⵏ ⵉⵄⵔⵔⵉⵎⵏ ⵏⵏⵖ, ⵉⵙⵓⵍ ⵓⵙⵡⵉⵔ ⴰⴷ ⵖ ⵍⵍⴰⵏ ⵓⵔ ⴰⵖ ⵉⵙⵙⵓⵙⵉⵎ, ⵉⵎⴽⵉⵏⵏⴰ ⴷ ⵓⵔ ⵉⵏⵏⵉ ⴰⴷ ⵜⵏ ⵉⵙⵙⵓⵙⵎ ⴰⵡⴷ ⵏⵉⵜⵏⵉ, ⵙ ⵉⴷⵖ ⴰⵎⴰⵜⴰ ⴷⵉⴳⵙⵏ ⵉⵜⵜⵓⵙⵟⵓⵕⴼ, ⴷ ⵖⵓⵔⵙ ⴰⵡⴷ ⵢⴰⵜ ⵜⵡⵓⵔⵉ, ⴷ ⵓⵔ ⵉⵙⵎⵉⴷ ⵜⵉⵖⵔⵉ ⵏⵏⵙ, ⴷ ⵍⵍⴰⵏⵜ ⵜⵉⴽⵡⴰⵍ ⴳ ⵓⵔ ⵉⵜⵜⴰⴼⴰ ⴰⵡⴷ ⴰⴷ ⵢⴰⴽⵎ ⵖⵔ ⵜⵏⵓⴼⴰ ⵜⵉⵏⴰⵎⵓⵏⵉⵏ ⵜⵉⵎⴰⴷⴷⵓⴷⵉⵏ » ⵉⵙⵎⴷ ⵢⵉⵏⴰⵡ ⴰⴳⵍⴷⴰⵏ.

ⵉⵄⵔⵔⵉⵎⵏ ⵏⵏⵖ ⴰⵙⵙ ⴰ ⵉⵇⵇⴰⵏⴷ ⴰⴷ ⴹⴼⵓⵕⵏ ⵙ ⴽⵉⴳⴰⵏ ⵏ ⵜⴰⵖⴹⴼⵜ, ⵜⵉⵎⴰⵎⴽⵉⵏ ⵏ ⵉⵖⴰⵡⴰⵙⵏ ⴷ ⵉⵙⵏⵜⵉⵜⵏ ⵉⵙⴳⵎⴰⵏⵏ, ⵍⵍⵉ ⵅⴼ ⵜⴱⴷⴷⴰ ⵜⵏⴱⴰⴹⵜ ⴷ ⵉⵙⵇⵇⵉⵎⵏ ⵉⵜⵜⵓⵙⵜⴰⵢⵏ ⴷ ⵓⵣⵉⴳⴳⵣ ⵏⵏⵙⵏ, ⴰⵢⵏⵏⴰ ⵉⵙⵙⵍⴽⴰⵏ ⵜⴰⴷⵔⴰⵡⵜ ⵏⵏⵙⵏ, ⴷ ⵓⵙⴼⵍⴷ ⵙ ⵜⴰⵏⵏⴰⵢⵉⵏ ⵏⵏⵙⵏ, ⴷ ⵉⵙⵡⵉⵏⴳⵉⵎⵏ ⵏⵏⵙⵏ, ⴷ ⵉⵏⴰⵔⵓⵣⵏ ⵏⵏⵙⵏ ⴰⵙⵙ ⴰ ⴷ ⵓⵙⴽⴽⴰ, ⵙⵎⴰⵏⴰⵢⴰ, ⴷⵉ ⵎⴰⵕⵕⴰ ⵜⵉⴽⵍⴰⵍ ⵏ ⵓⵙⵙⵓⵊⴷ ⴷ ⵓⵣⵣⵉⴳⵣ ⵏ ⵉⵖⴰⵡⴰⵙⵏ ⴷ ⵉⵙⵏⵜⴰⵢⵏ ⵉⵙⴳⵎⴰⵏⵏ, ⵙⵍⴰⵡⴰⵏ ⴰⴽⴽⵯ ⴰⵙⵙⵓⵎⵓ ⵏⵏⵙⵏ ⴳ ⵓⵙⵙⵉⵜⴳ ⴷ ⵡⴰⴽⴰⵣ ⴷ ⵜⵖⵓⵔⵉ ⵏ ⵉⵡⵜⵜⴰⵙⵏ ⵏ ⵉⵙⵏⵜⴰⵢ ⵍⵍⵉ ⵉⵔⴰⵏ ⴰⴷ ⵉⵜⵜⵓⵙⴽⴰⵔ, ⴷ ⵓⵙⵎⴽⵜⵉ ⵏ ⵜⵥⵍⴰⵢⵔ ⵜⴰⴷⵖⵔⴰⵏⵜ ⵏ ⴽⵔⴰ ⵉⴳⴰ ⵜ ⴰⵙⵏⵜⵉ, ⴷ ⵓⵎⵙⴰⵙⴰ ⵏⵏⵙ ⴰⴽⴷ ⵉⵏⴰⵔⵓⵣⵏ ⴷ ⵉⵄⵔⵔⵉⵎⵏ, ⵙ ⵉⴷⵖ ⵓⵔ ⵏⴻⵏⵏⵉ ⴰⴷ ⵏⵙⵉⴽⵙⵍ ⵊⴰⵔ ⵏ ⵉⵏⴰⵔⵓⵣⵏ ⵏ ⵉⵄⵔⵔⵉⵎⵏ ⵉⵍⵍⴰ ⵊⴰⵊ ⵏ ⵜⵎⴷⵉⵏⵉⵏ, ⴰⴽⴷ ⵉⵏⴰⵔⵓⵣⵏ ⵏ ⵉⵄⵔⵔⵉⵎⵏ ⵉⵍⵍⴰⵏ ⵊⴰⵊ ⵏ ⵉⵖⵔⵎⴰⵏ, ⴰⵢⵏⵏⴰⵖ ⴰⵢⴷ ⵉⵍⵍⴰⵏ ⴰⵡⴷ ⵊⴰⵔ ⵏ ⵜⵎⵏⴰⴹⵉⵏ ⵏ ⵍⵎⵖⵔⵉⴱ, ⵙ ⵉⵖⴷ ⵉⵄⵔⵔⵉⵎⵏ ⵏ ⵜⵎⵏⴰⴹⵜ ⵏ ⵕⵕⴱⴰⵟ ⵙⵍⴰ ⵇⵏⵉⵟⵕⴰ, ⵓⵔ ⴰⵙⴽⵓⵍⵏ ⴷ ⵡⵉⵏ ⵉⵏⴰⵔⵓⵣⵏ ⵏ ⵉⵄⵔⵔⵉⵎⵏ ⴷ ⵜⴰⵏⵏⴰⵢⵉⵏ ⵏ ⵉⵄⵔⵔⵉⵎⵏ ⵉⵍⵍⴰ ⴷⵉ ⵜⵎⵏⴰⴹⵜ ⵏ ⵟⴰⵏⵊⴰ ⵜⵉⵟⵡⴰⵏ ⵍⵃⵓⵙⵉⵎⴰ, ⵏⵖⴷ ⵡⵉⵏ ⴷⵔⴰ ⵜⴰⴼⵉⵍⴰⵍⵜ, ⵏⵖⴷ ⴰⵡⴷ ⵡⵉⵏ ⵍⵄⵢⵓⵏ ⵙⵙⴰⵇⵢⴰ ⵍⵃⵎⵕⴰ.

ⵉⴳⴰⵏ ⵓⵎⵓⵙⵙⵓ ⵏ 20 ⴼⴱⵕⴰⵢⵕ, ⵉⵊⵊ ⵏ ⵓⵎⴷⵢⴰ ⴰⵎⵎⴰⵙ ⵏ ⵉⵎⵓⵙⵙⵓⵜⵏ ⵉⵏⴰⵎⵓⵏⵏ, ⵉⵣⵔⵉⵏ ⵜⵉⵎⴰⵜⴰⵔⵉⵏ ⵜⵉⴽⵙⵡⴰⵜⵉⵏ ⴳ ⵜⵖⵏⵙⴰ ⵜⴰⵏⴰⵎⵓⵏⵜ ⵖ ⵜⵎⵓⵔⵜ ⵏⵏⵖ, ⴷ ⴳ ⵓⵎⵣⵔⵓⵢ ⴰⵙⵔⵜⴰⵏ ⵏ ⵍⵎⵖⵔⵉⴱ ⵎⴰⵕⵕⴰ, ⵙ ⵉⴷⵖ ⵜⵣⵎⵔ ⴰⴷ ⵜⵙⵎⵓⵏ ⵊⴰⵔ ⵏ ⵉⵙⵎⵉⵍⵏ ⵏ ⵡⴰⵎⵓⵏ, ⴷ ⵉⴳⵔⴰⵡⵏ ⵉⵙⵔⵜⴰⵏⵏ, ⴷ ⵓⵖⵔⵉⵎⵏ, ⴷ ⵉⵣⵔⴼⴰⵏⵏ, ⴷ ⴰⵡⴷ ⵉⴳⵔⴰⵡⵏ ⵍⵍⵉ ⵎⵓ ⵉⴷⵔⵓⵙ ⵓⵎⵢⴰⴽⴰⵣ ⴳⵔⴰⵙⵏ, ⵉⵎⵉⵍ ⵎⵙⵉⵙⵉⵏ ⵅⴼ ⵉⵛⵔⵜ ⵏ ⵜⵕⵉⵕⴹⵜ ⵜⴰⵏⴰⵎⵓⵏⵜ, ⴷ ⵜⵓⵜⵔⵉⵡⵉⵏ ⵜⵉⵏⴰⵎⵓⵏⵉⵏ, ⴷ ⵜⵙⵔⵜⴰⵢⵉⵏ, ⵜⵣⵔⴼⴰⵏⵉⵏ, ⴰⵢⵏⵏⴰ ⵢⵓⴷⵊⴰⵏ ⴰⵎⵓⵙⵙⵉ ⴰ ⵡⴰⵏⵉⵜⵉⵏ ⴰⴷ ⵉⵙⵙⴽⵔ ⵢⴰⵜ ⵜⵡⵓⵔⵉ ⵜⴰⴽⵙⵡⴰⵜ ⴳ ⵙⵎⴰⵏ ⵎⴷⴷⵏ ⴰⴷ ⵙⵉⵡⵍⵏ ⵅⴼ ⵉⵅⴼⴰⵡⵏ ⵏⵏⵙⵏ, ⵙⵖⵓⵢⵢⵏ ⴼⵍⵍⴰⵙⵏ.

ⵉⵣⵎⵔ ⵓⵎⵓⵙⵙⵓ ⵙ ⵓⵎⵔⵙ ⵏⵏⵙ ⵖ ⵓⵣⵎⵣ ⴷⴷⵖ ⴳ ⵓⴱⴰⵔⴰⵣ, ⴷ ⵜⵖⵏⵙⴰ ⵏⵏⵙ ⵜⴰⵏⵓⵃⵢⵓⵜ, ⴳ ⵉⵥⴹⴰⵕ ⴰⴷ ⵉⵣⵣⵔⵉ ⴽⵉⴳⴰⵏ ⵏ ⵜⴱⵔⴰⵜⵉⵏ ⴷ ⵜⴰⵏⵏⴰⵢⵉⵏ ⵏⵏⵙ, ⴷ ⵜⵉⵏ ⵓⴳⴷⵓⴷ ⴰⵎⵖⵔⴱⵉ ⵙ ⵓⵎⴰⵜⴰ, ⵊⴰⵊ ⵏ ⵉⵥⵟⵡⴰⵏ ⵉⵏⴰⵎⵓⵏⵏ, ⵜⵉⵣⵎⵎⴰⵔ ⴰⴷ, ⵓⵡⴹⵏⵜ ⵖⵔ ⵎⴰⵕⵕⴰ ⵉⴳⵔⴰⵡⵏ ⵉⵙⵔⵜⴰⵏⵏ ⴷ ⵉⵣⵔⴼⴰⵏⵏ, ⴰⵢⵏⵏⴰ ⵜⵏ ⵢⵓⴷⵊⴰⵏ ⴰⴷ ⴰⵡⴹⵏ ⴰⴷ ⵙⵎⵓⵏⵏ ⵜⵉⵣⵎⵎⴰⵔ ⵏ ⵉⴳⵔⴰⵡⵏ ⴰⴷ ⴷ ⵜⵖⵏⵙⴰ ⵏⵏⵙⵏ, ⵜⴰⴼ ⴰⴷ ⴰⵡⴹⵏ ⵜⵉⵢⴰⴼⵓⵜⵉⵏ ⵍⵍⵉ ⵉⵔⴰ ⵓⴳⴷⵓⴷ, ⵙⴳ ⴷⵉⴳⵙ ⴰⴷ ⵢⴰⴷⴼ ⵙⵔ ⵜⵎⵙⵙⵓⴳⵓⵔⵉⵏ ⵏ ⵓⵡⴰⵏⴽ.

ⵎⵏⵉⴷ ⵏ ⵓⵎⵓⵙⵙⵓ ⴰ ⵡⴰⵏⵉⵜⵉⵏ, ⵉⵣⵎⵔ ⵓⵡⴰⵏⴽ ⴰⵎⵖⵔⴱⵉ ⴰⴷ ⵉⴳ ⵉⵎⵥⵍⵉ, ⵙ ⵓⵙⵙⵖⴷ ⵏⵏⵙ ⵉ ⵜⵓⵜⵔⵉⵡⵉⵏ ⵏ ⵓⵎⵓⵙⵙⵓ, ⵙ ⵉⵏⴰⵡ ⵏ ⵓⴳⵍⵍⵉⴷ ⴰⵎⵖⵔⴱⵉ, ⵉⵜⵜⵓⴽⴰⵏ ⴰⵙⵙ ⵏ 09 ⵎⴰⵕⵙ 2011, ⴳ ⵉⵏⵏⴰ : “ⴷⴰ ⴰⴽ ⵙⴰⵡⴰⵍⵖ ⴰⵙⵙ ⴰ, ⵅⴼ ⵓⵙⵙⵓⵊⴷ ⵉ ⵜⵉⴽⵍⵉ ⴷ ⵢⵓⵙⵏ, ⵙⴳ ⴷⵉⴳⵙ ⵜⴰⵏⵎⵏⴰⴹⵜ ⵜⵉⵎⵉⵔⵉⵡⵜ, ⴷ ⵓⵣⴰⵍ ⴷⴰⵔⵙ ⵉⵍⵍⴰⵏ ⴳ ⵓⵙⵡⵉⵔ ⵏ ⵓⵣⵣⵉⴳⵣ ⵏ ⵓⵎⴷⵢⴰ ⵏⵏⵖ ⴰⴷⵉⵎⵓⵇⵔⴰⵟⵉ ⴷ ⵓⵏⴳⵎⴰⵏ, ⴷ ⵓⵣⵣⵔⴰⵢ ⴰⴽⵙⵡⴰⵜ ⵏ ⵓⴷⵓⵙⵜⵓⵔ, ⵉⵏⵏⴰⵏ ⴰⴷ ⵉⴳ ⵉⵛⵜ ⵏ ⵜⵙⵓⵔⵉⴼⵜ ⵉⵥⵉⵍⵏ ⵖⵔ ⵜⵡⵓⵔⵉⵡⵉⵏ ⴷ ⵜⴰⵏⵏⴰⵢⵉⵏ ⵏ ⵓⵙⴳⴳⴷ ⵙ ⵓⵎⴰⵜⴰ, ⵎⵏⵉⴷ ⵏ ⵎⴰⵢⴷ ⵉⵙⵙⵓⵜⵓⵔ ⵓⴳⴷⵓⴷ ⵙ ⵎⴰⵙ ⴰⴽⴽⵯ ⵉⵍⵍⴰ (…), ⵖⵉⴽⵍⵍⵉ ⵏⵙⵙⵏ ⴰⵣⴰⵍ ⵏ ⵜⵏⵥⵕⵜ ⵏⵏⴰ ⵉⵍⵍⴰⵏ ⴷⴰⵜⴰⵖ, ⴷ ⵓⵙⵙⵓⵊⴷ ⵏ ⵎⴰⵕⵕⴰ ⵎⵉⵏ ⵉⵅⵙ ⵓⴳⴷⵓⴷ, ⴳ ⵓⵙⴰⵜⵉ ⵏ ⵓⵙⴷⵓⵙ ⵏ ⵖⴰⵢⵍⵍⵉⴰ ⵉⵍⵍⴰⵏ, ⴷ ⵓⵙⴳⴳⴷ ⵏ ⵜⵎⵓⵔⴽⵉⵙⵉⵏ, ⵎⴰⵏⴰⵢⴰ, ⵙ ⵓⴱⴷⴰⴷ ⵏⵏⵖ ⵅⴼ ⵓⵙⵏⵜⵉ ⴰⴷ, ⵃⵓⵎⴰ ⴰⴷ ⵢⵉⵍⵉ ⵓⵙⵓⴳⴳⵣ ⵏⵏⵙ ⵜⵓⵚⴽⴰ ⵜⴰⴷⵓⵙⵜⵓⵔⵉⵜ ⵜⴰⴷⵉⵎⵓⵇⵕⴰⵟⵉⵜ”, ⵜⵉⵣⵎⵎⴰⵔ ⴷⴷⵖ ⵎⵙⴰⵙⴰⵏ ⵉⴷⵙⵏⵜ ⵉⵄⵔⵔⵉⵎⵏ ⵉⵎⵖⵔⴱⵉⵢⵏ, ⵉⴳⴰⵏ ⴰⵃⵎⵎⴰⵕ ⴷ ⵜⴰⵔⵙⵜ ⵜⴰⴽⵙⵡⴰⵜ ⵏ ⵓⵎⵓⵙⵙⵓ ⴰⵏⴰⵎⵓⵏ, ⵙ ⵎⴰⵢⴷ ⵉⴼⵓⵍⴽⵉⵏ, ⴷ ⵓⵏⴰⵔⵓⵣ ⵙ ⵉⵎⴰⵍ ⵉⵛⵏⴰⵏ.

ⵜⴳⴰ ⵜⴷⵉⵏⴰⵎⵉⵜ ⴰⴷ ⵢⴰⵜ ⵏ ⵜⵖⴰⵡⵙⴰ ⵉⵙⵜⴰⵡⵀⵎⵎⴰⵏ, ⵎⵖⴰⵔ ⵖⵉⴼⵙ ⵉⴳⴳⵓⴷⵢ ⵡⴰⵡⴰⵍ, ⴷ ⵓⵎⵎⵍⴷⴰⵢ ⵊⴰⵔ ⵏ ⵉⴳⵔⴰⵡⵏ ⴷ ⴽⵔⴰ ⵉⴳⴰ ⵜ ⵢⴰⵏ ⵙ ⵜⴰⵏⵏⴰⵢⵉⵏ ⵏⵏⵙ, ⵙ ⵡⵓⴷⵎ ⴰⵎⴰⵢⵏⵓ ⵏ ⵓⵙⵏⴼⵍ ⴰⵏⴰⵎⵓⵏ, ⵏⵏⴰ ⵉⵡⵛⴰⵏ ⴰⵡⴰⵍ ⵉ ⵉⵄⵔⵔⵉⵎⵏ ⴰⴷ ⵉⵏⵉⵏ, ⴼⴽⵉⵏ ⵜⴰⵏⵏⴰⵢⵜ ⵏⵏⵙⵏ ⴳ ⵜⵓⵚⴽⴰ ⵏ ⵓⵡⴰⵏⴽ, ⴷ ⵜⵉⵍⴰⵍ ⵏ ⵜⵏⴱⴰⴹⵜ ⴷ ⵜⵎⵙⵙⵓⴳⵓⵔⵉⵏ ⵜⵉⵏⴰⵎⵓⵏⵉⵏ, ⵙⴳ ⴷⵉⴳⵙⵏⵜ ⵉⴳⵔⴰⵡⵏ ⵉⵙⵔⵜⴰⵏⵏ, ⵎⵇⵇⴰⵔ ⵉⵙ ⵉⴷⵔⵓⵙ ⵉⵎⵙⵍⵉ ⵏ ⵉⵄⵔⵔⵉⵎⵏ ⵊⴰⵊ ⵏⵏⵙⵏ, ⴷ ⵜⵉⵍⴰⵍⵜ ⵏⵏⵙⵏ ⴳ ⵜⴷⵔⴰⵡⵜ ⵜⴰⵙⵔⵜⴰⵏⵜ.

ⵉⵇⵇⴰⵏⴷ ⴰⴷ ⵏⵙⵙⵍⴽⵏ ⵎⴰⵙⴷ ⵎⵖⴰⵔ ⵜⵉⵍⴰⵡⵜ ⵜⴰⴽⵙⵡⴰⵜ ⵏ ⵉⵄⵔⵔⵉⵎⵏ ⴳ ⵡⴰⴷⴷⴰⴷ ⴰⴷⵉⵎⵓⵖⵔⴰⴼⵉ ⵏ ⵉⵎⵣⴷⴰⵖⵏ ⴳ ⵜⵎⵓⵔⵜ ⵏⵏⵖ, ⴷⴰ ⵏⵜⵜⵎⵏⵉⴷ ⵎⴰⵙⴷ ⴰⵏⴰⵔⵓⵣ ⵏ ⵉⵄⵔⵔⵉⵎⵏ ⴳ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⵥⴰⵕⵙⵏ ⵉⵇⵇⵏ ⴳ ⵜⵏⴱⴰⴹⵉⵏ ⴰ ⵉⵣⵔⵉⵏ, ⵓⵔ ⵉⵎⵙⴰⵙⴰ ⴰⴽⴷ ⵉⵏⵔⵓⵣⵏ ⵏⵏⵙⵏ ⴷ ⵎⴰⵢⴷ ⵔⴰⵏ ⴰⵙⵙ ⴰ ⴷ ⵓⵙⴽⴽⴰ, ⵎⵏⵉⵏ ⵏ ⵢⴰⵏ ⵓⵎⴰⴹⴰⵍ ⵉⴷⴷⴰⵏ ⴳ ⵓⵙⵏⴼⵍ. ⵎⴰⵏⴰⵢⴰ, ⵢⵓⴷⵊⴰ ⴰⵎⴰⵜⴰ ⴳ ⵉⵄⵔⵔⵉⵎⵏ ⴰⴷ ⵙⵎⵓⵎⵎⵓⵢⵏ ⵅⴼ ⵜⵉⵍⴰⵡⵜ ⴳ ⵍⵍⴰⵏ, ⵡⵛⵉⵏ ⴰⵙ ⵜⴰⴷⴰⵡⵜ, ⴷⴷⵓⵏ ⵖⵔ ⵓⵎⴰⴹⴰⵍ ⴰⵎⴷⵔⵓ, ⴳ ⵓⴼⴰⵏ ⴰⴷ ⵇⵇⵉⵎⵏ ⴷ ⵉⵅⴼⴰⵡⵏ ⵏⵏⵙⵏ, ⵏⵖⴷ ⴰⴷ ⵏⵎⴰⵍⴰⵏ ⴷ ⵎⴷⴷⵏ ⴰⵎⵎ ⵏⵉⵜⵏⵉ, ⵏⵖⴷ ⴰⵡⴷ ⵡⵉⵏⵏⴰ ⵉⴽⴰⵏ ⵜⴰⴷⴰⵡⵜ ⵉ ⵜⵎⵓⵔⵜ ⵏⵏⵙ, ⴰⵔ ⵉⵙⵎⵓⵇⵇⵓⵍ ⴰⴷ ⵜⵜ ⵉⴼⴼⵖ ⵙ ⵜⵎⵉⵣⴰⵔ ⵏ ⵡⵉⵢⵢⴰⴹ, ⵙⵍⴰⵡⴰⵏ ⴰⴽⴽⵯ ⵡⵉⵍⵍⵉ ⵢⵓⵙⵉⵏ ⴰⵙⵡⵉⵏⴳⵎ ⵏ ⵜⵉⵟⵟⵓⵕⴼⴰ, ⵙ ⵉⴷⴷⵖ ⵓⵔ ⵉⵣⵎⵉⵔ ⵓⵡⴰⵏⴽ ⴰⴷ ⵜⵏ ⵢⴰⴽⵣ, ⵢⴰⴽⵣ ⴰⵡⴷ ⵜⴰⵏⵏⴰⵢⵉⵏ ⵏⵏⵙⵏ, ⴷ ⵉⵙⵎⵓⵎⵎⵓⵢⵏ ⵏⵏⵙ. ⵎⴰⵢⴰ ⴷ ⵙⵙⵍⴽⵏ ⵜ ⵜⵙⵖⵍⴰⴼ ⵉⵥⵍⵉⵏ ⵙⵔ ⵜⵙⵔⵜⴰⵢ ⵜⵉⵏⴰⵎⵓⵏⵉⵏ, ⵅⴼ ⵉⴱⴷⴷⴰ ⵡⴰⵏⴰⴹ ⵏ ⵙⵎⵎⵓⵙ ⵏ ⵉⴷ ⵎⵔⴰⵡ, ⴷ ⵜⵙⵖⵍⴰⴼ ⵏ ⵓⴳⵔⴰⵡ ⵏ ⵓⵙⵓⵎⵓ ⴷ ⵓⵎⵙⴰⵙⴰ, ⴳⵏⵜ (ⵜⵙⵖⵍⴰⴼ) ⴰⵡⴷ ⵜⵉⵖⴰⵡⵉⵙⵉⵡⵏ ⵜⵉⴽⵙⵡⴰⵜⵉⵏ ⵅⴼ ⴷ ⵢⵉⵡⵢ ⵓⴳⵔⴰⵡ ⵏ ⵓⵎⴷⵢⴰ ⴰⵏⴳⵎⴰⵏ.

ⵉⵔⴰ ⵓⵙⴳⴷⵓⴷⵉ ⴷⴷⵖ, ⵖ ⵎⴰⵕⵕⴰ ⵜⵉⴽⵡⴰⵍ ⵏⵏⵙ, ⵉ ⵉⵙⵓⵜⴰⵢ ⴷ ⵜⵣⵎⵎⴰⵔ ⵃⵎⴰ ⴰⴷ ⵢⵉⵍⵉ ⵉⵙⵓⴳⴳⵣ ⵏⵏⵙ, ⴷ ⵡⴰ ⴷ ⴰⵢⴷ ⵉⴳⴰⵏ ⴰⵙⵇⵙⵉ ⴷ ⵜⵏⵥⵕⵜ ⵜⴰⴽⵙⵡⴰⵜ ⵉⵍⵍⴰⵏ ⵎⵏⵉⴷ ⵏ ⵜⵎⵙⵙⵓⴳⵓⵔⵉⵏ ⵜⵉⵏⴰⵎⵓⵏⵉⵏ, ⴷ ⵎⵏⵉⴷ ⵉⴳⵔⴰⵡⵏ ⵉⵙⵔⵜⴰⵏⵏ, ⵜⴰⴼ ⴰⴷ ⴰⴼⵏ, ⵙⵔⵙⵏ ⴽⵔⴰ ⵏ ⵓⵙⵏⵜⵉ ⴰⵙⵔⵜⴰⵏ ⵉⵥⴹⴰⵕⵏ ⴰⴷ ⵢⴰⴼ ⵉⴼⵙⵙⴰⵢⵏ ⵉ ⵉⵎⵓⵔⴽⵉⵙⵏ ⴰ ⵊⴰⵊ ⵏ ⵜⵓⵚⴽⵉⵡⵉⵏ ⵏⵏⵙⵏ, ⵙ ⵉⵖⴷ ⴳⴰⵏ ⵙ ⵡⴰⵀⵍⵉ ⴰⵢⴰ, ⵉⵜⵙⵏⵜ ⵜⵎⵔⵙⴰⵍ ⵜⵉⵏⴰⵎⵓⵏⵉⵏ ⵙ ⵉⵜⵜⵡⵔⵔⴰⵢ ⵓⵡⴰⵏⴽ, ⵃⵓⵎⴰ ⴰⴷ ⵢⴰⴳⵎ ⵙ ⵜⵣⵎⵎⴰⵔ ⵏⵏⵙⵏⵜ, ⵉⵏⵏⴰⵏ ⴰⴷ ⵜ ⵢⴰⵡⵙ ⴳ ⵓⵙⵓⴳⴳⵣ ⵏ ⵜⴰⵏⵏⴰⵢⵉⵏ ⵏⵏⵙ, ⴷ ⵉⵙⵏⵜⵉⵜⵏ ⵏⵏⵙ, ⴷ ⵉⵙⴳⴳⵉⴷⵏ ⵏⵏⴰ ⴳ ⵉⵙⵡⵉⵏⴳⵉⵎ ⵓⵡⴰⵏⴽ ⵙ ⵓⵎⵓⵔⵙ ⵏⵏⵙⵏ.

ⵎⴰ ⴳⴰⵏ ⵉⵏⴰⵔⵓⵣⵏ ⵏ ⵉⵄⵔⵔⵉⵎⵏ ⵙ ⵓⵣⴷⴷⴰⵢ ⵏⵏⵙⵏ ⴰⴽⴷ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⵜⵉⵍⴳⴷⵉⵙⵉⵏ, ⴰⵢⵏⵏⴰ ⵉⵎⵎⴰⵍⵏ ⵎⴰⵙ ⵉⵇⵇⴰⵏⴷ ⴰⴷ ⵢⵉⵍⵉ ⵓⵙⵙⵓⵊⴷ ⵏ ⵜⵎⵍⴷⵉⵡⵉⵏ ⵏ ⵓⵙⵙⵉⴷⴼ ⵏⵏⵙⵏ ⴳ ⵓⵙⵡⵉⵏⴳⵎ ⴷ ⵓⵣⵣⵉⴳⵣ ⵏ ⵜⵙⵔⵜⴰⵢ, ⵙ ⵉⴷⵖ ⴳⴰⵏ ⵉⵎⴷⵔⴰⵡⵏ ⴳ ⵓⵙⴰⴳⴳⵯ ⵏ ⵜⴳⵎⵉ ⵜⴰⵙⵓⵍⴰⵏⵜ, ⴷ ⵉⵎⵙⴽⴰⵔⵏ ⵊⴰⵊ ⵏ ⵜⵎⴳⵓⵔⵉ ⵏ ⵡⴰⵏⴰⴹ ⴰⴳⴷⵓⴷⴰⵏ, ⵢⵓⵎⵥⵏ ⵡⴰⵀⵍⵉ ⵏ ⵉⴳⵔⴰⵏ ⵉⵏⴳⵎⴰⵏⵏ, (ⵎⴰ ⴳⴰⵏ) ⵉⵇⵇⴰⵏⴷ ⴰⴷ ⵏⵉⵏⵉ ⵎⴰⵙⴷ ⵉⴽⴰⴱⴰⵕⵏ ⵉⵙⵔⵜⴰⵏⵏ ⵉⵙⵔⵓⵙⵏ ⵜⴰⵏⵏⴰⵢⵉⵏ ⵏⵏⵙⵏ ⴷ ⵜⵙⵔⵜⴰⵢ ⵏⵏⵙⵏ ⵊⴰⵊ ⵏ ⵜⵏⴱⴰⴹⵜ ⴷ ⵓⴱⵕⵍⴰⵎⴰⵏ ⴷ ⵎⴰⵕⵕⴰ ⵜⵉⵎⵙⵙⵓⴳⵓⵔⵉⵏ ⴷ ⵉⵙⵇⵇⵉⵎⵏ ⵉⴷⵓⵙⵜⵓⵔⵉⵏ, ⴰⵖⵓⵍⵏ ⴷ ⴼⴼⵉⵔ ⴳ ⵜⵉⵍⴰⵍ ⵏ ⵓⵙⵎⵓⵜⵜⴳ ⵏⵏⴰ ⵙⵙⴽⴰⵔⵏ ⵊⴰⵊ ⵏ ⵡⴰⵎⵓⵏ, ⵙ ⵉⴷⴷⵖ ⵓⵔ ⵢⴰⵏ ⵖⵓⵔⵙⵏ ⵍⵍⵉⵏ ⴽⵉⴳⴰⵏ ⵏ ⵉⵎⵖⵏⴰⵙⵏ ⵉⵄⵔⵔⵉⵎⵏ, ⴷ ⵓⵔ ⵣⵔⵉⵏ ⴰⵢⵏⵏⴰ ⵉⵜⵜⴳⴳⴰⵏ 1 %. ⵎⴰⵏⴰⵢⴰ, ⴷⴰ ⵉⵎⵎⴰⵍ ⵎⴰⵙ ⵓⵔ ⵢⴰⴷ ⵣⵎⵉⵔⵏ ⵉⴽⴰⴱⴰⵕⵏ ⵉⵙⵔⵜⴰⵏⵏ ⴰⴷ ⵙⵙⵉⴷⴼⵏ ⵉⵄⵔⵔⵉⵎⵏ ⵙ ⵖⵓⵔⵙⵏ, ⴳⵉⵏ ⴰⵙⵏ ⴰⵙⵎⵓⵜⵜⴳ ⵏⵏⴰ ⴰⵙⵏⴷ ⵢⵓⵙⴰⵏ, ⴰⵡⵙⵏ ⴰⵙⵏ ⴰⴷ ⵙⵙⵓⴼⵖⵏ ⵜⵉⵣⵎⵎⴰⵔ ⵏⵏⵙⵏ, ⴷ ⵜⴰⵏⵏⴰⵢⵉⵏ ⵏⵏⵙⵏ ⵎⵏⵉⴷ ⵜⵉⵙⵔⵜⴰⵢ ⵜⵉⵏⴰⵎⵓⵏⵉⵏ ⵥⴰⵕⵙⵏ ⵉⵇⵇⵏ, ⵙⵍⴰⵡⴰⵏ ⴰⴽⴽⵯ ⴳⴰⵔ ⵜⵉⵥⵥⵉⴹⵕⴰ ⵏ ⵜⵏⴱⴰⴹⵉⵏ ⴰⴷ ⴰⴽⵣⵏⵜ ⵉⵏⴰⵔⵓⵣⵏ ⵏ ⵉⵄⵔⵔⵉⵎⵏ ⴷ ⵉⵙⵎⵓⵎⵓⵢⵏ ⵏⵏⵙⵏ, ⴷⴰⵛⵛⵏ ⴰⴷ ⴰⵙⵏ ⵙⵙⵓⵊⴷⵏ ⵉⴼⵙⵙⴰⵢⵏ ⵜⵏ ⵉⵙⵙⵓⴼⵓⵖⵏ ⴷ ⵡⴰⴷⴷⴰⴷ ⵖ ⵍⵍⴰⵏ, ⴰⵢⴷⴷⵖ ⴰⵢⴷ ⵉⵎⵎⴰⵍⵏ ⵎⴰⵙ ⵓⵔ ⵢⴰⴷ ⵣⵎⵉⵔⵏ ⵉⴽⴰⴱⴰⵕⵏ ⵉⵙⵔⵜⴰⵏⵏ ⴰⴷ ⵙⵙⵓⴼⵖⵏ ⵉⵙⵓⵜⴰⵢⵏ ⵉⵎⴰⵢⵏⵓⵜⵏ ⵉⵣⵎⵔⵏ ⴰⴷ ⵢⴰⵙⵉⵏ ⵜⵉⵎⴰⵙⵙⴰⵢⵉⵏ ⵜⵙⵏⵎⴰⵍⵉⵏ ⴷ ⵜⵙⵔⵜⴰⵢⵉⵏ, ⵉⵏⵏⴰⵏ ⴰⴷ ⵜⵏ ⵢⴰⴷⵊ ⴰⴷ ⵙⵓⴳⴳⵣⵏ ⵜⴰⵏⵏⴰⵢⵉⵏ ⴷ ⵜⵙⵔⵜⴰⵢ ⵜⵉⴳⴷⵓⴷⴰⵏⵉⵏ ⵜⵉⵏⴰⵎⵓⵔⵉⵏ, ⴷ ⵜⵏⵎⵏⴰⴹⵉⵏ, ⴷ ⵜⵙⴳⴰⵡⴰⵏⵉⵏ.

ⵓⵔ ⵉⴳⵉ ⵓⵔⵎⵎⵓⵙ ⵏ ⵜⴷⵔⴰⵡ ⵅⴼ ⴰⵣⵔⴼ, ⵎⴰⵛⵛ ⵉⴳⴰ ⴰⵡⴷ ⵉⵛⵜ ⵏ ⵜⵖⴰⵡⵙⴰ ⵓⵔ ⵉⵎⵙⴰⵙⴰⵏ ⴷ ⵓⵏⵅⵅⵍ ⴷ ⵓⵡⵏⵓⵍ. ⵓⵔⵎⵎⵓⵙ ⴰ ⵡⴰⵏⵉⵜⵉⵏ ⵉⴱⴷⴷⴰ ⵅⴼ ⵓⵙⵙⵉⴷⴼ ⵏ ⵉⵄⵔⵔⵉⵎⵏ ⵉⵏⵎⵓⵔⴰⵏ ⴷ ⵜⵏⵎⵓⵔⵉⵏ ⴳ ⵜⴷⵔⴰⵡⵔ ⵖ ⵉⵙⵔⵜⴰⵢ ⵉⵙⴳⵎⴰⵏ, ⵙ ⵜⵣⵎⵎⴰⵔ ⵏⵏⵙ, ⵏⵖⴷ ⴰⵡⴷ ⵙ ⵜⴷⵔⴰⵡⵜ ⴷ ⵓⵎⵓⴰⵡⴰⵙ ⴰⴽⴷ ⵉⴳⵔⴰⵏ ⴷ ⵜⵎⵙⵙⵓⴳⵓⵔⵉⵏ ⵜⵉⵏⴱⴹⴰⵏⵉⵏ ⵜⵉⴷⵖⵔⴰⵏⵉⵏ ⵉⵜⵜⵓⵙⵜⴰⵢⵏ, ⵉⵜⵜⴳⴳⴰⵏ ⵣⵓⵏⴷ ⴱⵟⵟⵓ ⵏ ⵜⵣⵎⵎⴰⵔ ⵃⵎⴰ ⴰⴷ ⵢⵉⵍⵉ ⵓⵙⵡⵓⴷⴷⵓ ⵏ ⵜⵖⴰⵡⵙⵉⵡⵉⵏ ⵜⵉⵎⴰⵜⴰⵢⵉⵏ ⵜⵉⴷⵖⵔⴰⵏⵉⵏ ⴷ ⵜⵏⴰⵎⵓⵔⵉⵏ, ⵙ ⵓⵙⵔⵔⵓⵙ ⵏ ⵉⵎⴰⵙⵙⵏ ⵉⵣⵔⴼⴰⵏⵏ ⵏ ⵢⵉⵡⵙ ⴳ ⵜⵎⴳⵓⵔⵉ ⵏ ⵡⴰⵏⴰⴹ ⵖ ⴽⵔⴰ ⵉⴳⴰ ⵜ ⴰⵙⵡⵉⵔ.